ماکڕۆن ئەرا پاپا فرانسیس: سەردانەگەد ئەرا عراق خاڵ ئاڵشتبوین راسییگە
2021-03-22T06:39:54+00:00
شەفەق نیوز/ ئیمانوێل ماکڕۆن سەرۆک فەڕەنسا، وە پەیوەندییگ تەلەفۆنی پیرۆبایی لە پاپا فرانسیس کرد ئەرا سەردانەگەی ئەرا عراق ک باس کرد ک خوەی خاڵ ئاڵشتبوین راسییگە ئەرا خزەرهەڵات ناوڕاس.
ئی پەیوەندیە وەگورەی ئیلیزێە، دوێەکە یەکشەممە وەگورەی داواکردن پاپا بوی، و خوەی چوارەمە لە وەخت هەڵبژاردن ماکڕۆن لە ساڵ ٢٠١٧، و دویاترین پەیوەندی لە ٣٠ ئوکتۆبەر بوی لەو ئیوارانە ک پەلاماریگ وەچەقو روی دا ک بویە هووکار کوشتن سێ کەس لەناو کلیسەی نیس.
سەرۆکایەتی فەڕەنسا وت: ماکڕۆن لە سەرەتایی پیرۆبایی لە پاپا فرانسیس کرد ئەرا سەردانە مێژوویەگەی ئەرا عراق و باس لە کاریگەری وگرنگیی کرد جوور خاڵ ئاڵشتبوین راسییگ ئەرا ناوچەگە.
