ماکرۆن یەکەمین سەرۆک فەرەنسیە وەماوەی ٢٤ ساڵ گوزەشتە سەردان ئاڵمانیا کەێد
وەگورەی ئاژانس ڕۆیتەرز، سەردانەگەی ماکرۆن کە پەرلین پایتەخت ئەڵمانیا و شار درێسدن لە خوەرهەڵات و مونستر لە خوەرئاوا وەڕیەو چوود، یەکەم سەردان فەرمی سەرۆک فەرەنساس ئەرا ئەڵمانیا لەماوەی 24 ساڵ.
سەردانەگە وەدویاچگن و گرنگیدان لەخوەی گرێد جویر نشانەیگ ئەرا دروسی پەیوەندییەیل ئەڵمانیا و فەرەنسا، کە پرۆسەی بڕیاردان لە یەکێتی ئەوروپا بەێدە نوا، لە وەختیگ ئەوروپا رویوەڕویبوی ئاستەنگی گەورە بویەسەو، لەوانە جەنگ ئۆکرانیا و ئەگەرەگە لە دۆناڵد ترەمپ کە پۆست سەرۆکایەتی ئەمریکا لە هەڵوژاردن مانگ نۆڤەمبەر وەدەس بارێد.
ماکرۆن و ئۆلاف شۆڵز، سڵاکار ئەڵمانیا لە شیواز سەرکردایەتیکردن جیاوازیی فرەیگ دیرن، و وە ئاشکرا لەبان پرسە جیاوازەیل، لە وەرگرییەو تا وزەی ئەتۆمی، لە دویای دەسەوکاربوین شوڵز لە کۆتایی ساڵی ٢٠٢١.
بەڵام لەی دواییە هەردوگ سەرکردەی ئەوروپا لە چەن پێسیگ گەیشتنە سازان، لەوانە چاکسازیی دارایی و ئاڵشتکاری ئەرا پاڵپشتیکردن بازاڕ وزە، یەیش هیشت یەکێتیی ئەوروپا ڕێککەفتن ئەنجامبەێد و ری وە پیکاتەیل بەرەیگ یەکگرتگ دەێد.
