یەکەمین جارە لە میژوو.. ئاهەنگ سویر حاخامیگ یەهودی و ژنیگ ئیماراتی.. ڤیدیۆ

یەکەمین جارە لە میژوو.. ئاهەنگ سویر حاخامیگ یەهودی و ژنیگ ئیماراتی.. ڤیدیۆ
2022-09-17T07:01:56+00:00

شەفەق نیوز/ لیفی دوشمان حاخام ئیسرائیلی و نوینەرەیل نیشتەجیەیل یەهودی لە دوبەی، ئاهەنگ سویر گەپیگ سازێد، وە ئامادەبوین ١٥٠٠ میوان، ئەوەیش وە بوونەی دویەم ساڵیاد گونجیان وەگەرد ئیسرائیل، ک بویە جی تویڕەبوین و ناڕەزایی.

هەژمارەیلیگ لەبان سۆشیال میدیا پارچە ڤیدیۆی ئاهەنگ سویر حاخام دوشمان ٢٩ ساڵان وەگەرد دویەت حاخام برۆکسل لیا حەداد ٢٧ ساڵان، لە ئەبوزەبی پایتەخت ئیمارات لەناو یەکیگ لە هوتێلەیل گرانبەها بڵاو کردن.

لەناو پارچە ڤیدیۆگە ئامادەبویەیل دڵنگ ئیماراتی پووشینە، و لەشانیەک سەما کەن، وفرەیان دڵنگ یەهودیە ئایندارەیل پووشینە.

میدیایل راگەیانن باس ئەو رویداوە کردن ک گەورەترین رویداو یەهودیە لە خەلیج عەرەبی لە میژوو نووی ک ١٥٠٠ میوان لە گشت شوینیگ لە جەهان ئامادەی بوی، هەمیش گەورەی حاخامەیل و کەسایەتیەیل ئیمارات.

بنکەی پەیوەندیەیل لە بزووتنەوەی "حباد لوبافیچ" یەهودی، باس ئەو سویرە کرد ک سەرچەوەی شانازی نیشتمانی گەورەیگە، چوینکە نمایش وئەزموون زنییگە ئەرا بەرهەمهاوردن ئیماراتی درویژماوە، ئەرا دروسکردن وەیەکەوژیان و هەمەڕەنگی ئاینی.

دوشمان لە ساڵ ٢٠١٤ لە ئیمارات جیگر بویە، ک سەرپەرشتی وازکردن مەکتەویگ یەهودی و مەکتەویگ عبری و حەمامیگ ئاینی و ئاژانسی ئەرا خوەراک یەهودی لە وڵاتەگە کرد، ک ئمڕوو چەن هەزاریگ لە یەهودی هاناوی.

Shafaq Live
Shafaq Live