یەمەن.. پیاوەیگ ژنی و خەسویرەی و هاوزاواگەی کوشێد
2022-12-14T09:51:44+00:00
شەفەق نیوز/ لە ناوچەی مفرەق حبیش لە پارێزگای ئیب یەکە، تاوان کوشتن قەیزەوەنیگ وەدەس پیاویگ لەناو تەمەن سی ساڵان جیوەجی کریا، ک ژن و خەسویرە و هاوزاوی خوەی کوشت.
سەرچەوەیلیگ ناوخوەیی وتن: وەرجە چەن رووژیگ مرافەیگ کەفتیەسە ناوبەین ژن و شویەگە، و لەبان ئەوە ژنەگە ماڵ شویەگەی هیشتیەسە جی و چیەسە ماڵ باوانی.
لە رووژ تاوانەگە، شویەگە روی وەرەو ماڵ خەسویرەی کرد، تا ژنەگەی گلەو بەێد، لەورا مرافەیگ کەفتە ناوبەین خوەی و ژنەگەی، و داڵگ ژنەگەی و هاوزاواگەی کەفتنە ناو مرافەگە، تا ئەویش هەرسێانیان بکوشێد، ک مادەیگ رشانیەسە بانیان لەشیان سزانیە.
