کۆمەلکوشیگ لە نیوزلەندا وەرەجە دەسکردن وە مۆندیال خانمەیل
2023-07-20T08:03:18+00:00
شەفەق نیوز/ ئمڕوو پەنجشەممە، دوو کەس و پەلاماردەر چەکداریگ کوشیا و پەنج کەسیش زەخمدار بوی وە تەقەکردن لە ئۆکلاند، شار گەورەی نیوزلاند، چەن ساعەتیگ وەرجە دەسکردن وە بازی جام جەهانی تووپان خانمەیل لەو شارە.
کریس هیبکنز سەرۆک وەزیرەیل نیوزلەندا وت پاڵەوانیەتیەگە هەر جویر وەگ بڕیار بوی وەردە وام بوود، وتیش تەقەکردنەگە وەلایەن یەک کەس کریایە پۆلیس مینەی کەسیگتر نیەکەێد.
هیبکنز لەماوەی کۆنگرەیگ تلفزیونی وت " هویچ پاڵنەریگ سیاسی یاخود ئایدلۆجی لەپشت تەقەکردنەگە نییە، لە کۆتاییش هویچ مەترسییگ لەبان ئاسایش نیشتیمانی نییە".
پۆلیس ئاندرۆ کوستەر وت، پۆلیس وە تەقەکردن زەخمداربویە وەگەرد چوارکەس تر.
لە کۆنگرەیگ رووژنامەوانی وتیش،ناسنامەی چەکدارەگە وە شیوەی فەرمی ئاشکەرا نییە باوجی تەمەنی 24 ساڵە لەو شوینە کار کردیە ک رویداو تەقەکردنەگە کریایە.
