١،١ مەلیۆن مردن و ٣٩ مەلیۆن تووشهاتن وە کۆڕۆنا لە جهان
شەفەق نیوز/ ژمارەی قوربانیەیل ڤایڕۆس کۆڕۆنا لە جهان بەرزەوبوین فرەیگ وەخوەیان دوینن، ک تا ئبسە بیماریەگە گیان ١،١ مەلیۆن کەس دەرەو کردگە، و ٣٩ مەلیۆن تووشهاتن لەوەخت بڵاوبوین پەتاگە تۆمار کریاگە.
ئەمریکا و وڵات هیند و بەڕازیل و مەکسیک، زیاتر لە نیم ژمارەی مردنەگان تۆمار کردن، وەگورەی دویاتریان ئامارەیا زانکۆی جۆنز هوبکینز.
ئەمریکا کەفێدە نوای دەوڵەتە فرە زەرەدمەنەگان، ک پەتاگە گیان زیاتر لە ٢١٧ هەزار کەس سەنیە، وتا ئیسە ٨ مەلیۆن تووشهاتن تۆمار کردگە.
بەڕازیل زیاتر لە ١٥٢ مردن تۆمار کردگە، و ژمارەی تووشهاتنەگان هاتە نزیکەی ٥،٢ مەلیۆن تووشهاتن.
لە وڵات هیند پەتاگە گیان زیاتر لە ١١١ هەزار کەس سەنیە، دەسەڵاتە تەندروسیەگان زیاتر لە ٧،٣ مەلیۆن تووشهانن تۆمار کردن.
مەکسیگ هالە پلەی چوارەم لە ژمارەی مردنەگان، ک ئامارەگەی لە ٨٥ هەزار رەدکرد، و زیاتر لە ٨٣٤ تووشهاتن تا ئیسە تۆمار کردگە.
بریتانیا لە زیاترین دەوڵەتەیل ئۆڕوپا زەرەدمەنە لە بڵاوبوین پەتاگە، ک تا ئیسە زیاتر لە ٤٣ هەزار مردن تۆمار کردگە، و ژمارەی تووشهاتنەگان لە ٦٧٦ هەزار رەدکردن.
ئیتالیا هاتە پلەی شەشەم لە مردنەگان، و تا ئیسە زیاتر لە ٣٦ هەزار مردن تۆمار کردگە، و ژمارەی تووشهاتنەگان رەسیە دەور ٣٨٢ هەزار.
لە خوەرهەڵات ناوڕاس، ئیران زیاترین دەوڵەت زەرەدمەنە لە بڵاوبوین پەتاگە، و دەور ٣٠ هەزار مردن تۆمارکردگە، و ژمارەی تووشهاتنەگان لەناوی لە ٥١٧ هەزار رەدکرد.
رووسیا هالە پلەی چوارەم لە جهان لە ژمارەی تووشهاتنەگان، ک تا ئیسە یەک مەلیۆن و ٣٤٦ هەزار تووشهاتن تۆمار کردگە، بەڵکم ژمارەی مردنەگان لەناوی کەمە، و لە ٢٣٤٠٠ مردن رەد نەکردگە.
