میسر.. رویداو هاتوچو دڵتەزنیگ گیان گشت سوارەیل سینێد

شەفەق نیوز/ پارێزگای وادی جديد لە سەعید وڵات میسر، رویداو هاتوچو دڵتەزنیگ لەناوبەین دوو ماشین وەخوەی دی، بویە هووکار کوشیان ١٤ کەس.

ئەحمەد مەحروس جینشین وەزارەت تەندروسی میسری لە پارێزگاگە وت: ئاگاداری لە رویداویگ هاتوچو رەسیە فریاکەفتن پارێزگاگە، و مەوقەی رەسین ماشینەیل فریاکەفتن دەرکەفت ک رویداوەگە کەفتیەسە ناوبەین ماشینیگ مایکرۆپاس، و ماشینیگ بارهەڵگر، ک بویە هووکار کوشیان ١٤ کەس، ک گشت سوارەیل پاسەگە و رانندەی بارهەڵگرەگە بوین.

ئی رویداوە دویای کوشیان ٢٤ کەس وە خنکیان، لە رووژ شەممەی گوزەشتە تیەێد، هەنای پاسیگ کەفتە ناو گوڵەم ئاویگ لە پارێزگای دەهلەقیەی باکوور قاهیرە، و ٦ کەسیش لەو رویداوە زەخمدار بوین.