مۆسکۆ.. لەئەنجام تەقینەوەیگ لە ئەمار ئاگربازی 16 کەس لەلای کەمەو زەخمدار بوینە
![مۆسکۆ.. لەئەنجام تەقینەوەیگ لە ئەمار ئاگربازی 16 کەس لەلای کەمەو زەخمدار بوینە](https://media.shafaq.com/media/arcella/1691577279813.png)
دەزگای فریاکەفتن راگەیانیە کە زانیارییە سەرەتاییەیل دەسنشان ئەوە کەن کە هوکار رویداوەگە لەوەر تەقینەوەی ئەماریگ ئاگربازی لە سێرگیڤ پۆساد بویە کە بویە هوکار زەخمداری 16 کەس.
دەسەڵاتدارەیل ناوچەگە وتنیش: بینا و کارخانەی نزیک وەتەواوی چووڵ کریان، کە تەقینەوەگە زەرەد وە باڵەخانەیل شانی رەسانیە.
لەلای خوەییش رووژنامەی "مۆسکۆ تایمز" لە زوان ئیدارەی ناوخوەیی وت: "فرە باڵەخانە هەس کە پەنجەرەیان شکیایە".
وتیش: "لە ئەنجام رویداوەگە لەلای کەمەو 16 کەس زەخمدار بویە".
ئەو سەرچەوە بڕیگ ڕاپۆرت رەتکرد کە باس لە ئەگەر پەلامار فڕۆکەی بێفڕۆکەوان کەن.