مۆدرنا راگەینێد نرخ واکسین کۆڕۆنا و ژمارەی تاقەبەشەگان
شەفەق نیوز/ سەرۆک جیوەجیکردن کۆمپانیای «مۆدرنا»ی ئەمریکی ئەرا تەکنۆلۆژیای زیندەیی، راگەیان لە ئاست نرخ واکسین کۆڤید-١٩ ک کۆمپانیاگەی گەشە وەپی کرد، و سەرکەفتن گەورایگ لە تاقیکردنەوەگان وەخوەی دی.
سایڤان پانسڵ ئەرا رۆژنامەی هەفتانەی ئەڵمانی «فیڵت ئێم زونتاگ» وت: ئاست نرخەگە ک بڕیار دریاگە هالە ناونی ٢٥ و ٣٧ دۆلار ئەرا یەک تاقەبەش، ئەویش لە بنەمای بڕە داواکریایەگە.
و هەر کەسیگ دوو تاقەبەش لە واکسینەگە خوازێد، و راپۆرتەیلیگ راگەیانن مەزەنە کردن ک ئاست نرخەگە بکەفێدە ناونی ٣٢ و ٣٧ دۆلار، و رۆژنامەگە لە زووان پانسڵ وت: واکسینەگەمان جوور خود نرخەگەی واکسین فلاوەنزا وەپی چوود، ک هالە ناونی ١٠ و ٥٠ دۆلار.
وەگورەی رۆیتەرز، «مۆدرنا» وت؛ واکسینەگەمان وە ئاست ٩٤،٥٪ گونجیاگە لە مقەیەتی لە کۆڤید-١٩، لە بنەمای بەیاننامەیلیگ وەختانە لە تاقیکردنەوەیل ئیکلینیکی پێشکەفتگ، و یەکێتی ئۆڕوپا گفتوگۆەیلیگ وەگەرد کۆمپانیاگە لەباوەت واکسینەگە لە تەمووز کردگە.
