یەکەم ڤیدیۆ و وینەی ئەو کابرا ک پەلامار دەنیمارک جیوەجی کرد
شەفەق نیوز/ وینە و ڤیدیۆی سەرەتایی، نشان ئەو گەنجە دان ک ئەو پەلامار خوینینە لەناو مۆڵیگ لە دانیمارک جیوەجی کرد، وبڕیگ کوشیای وزەخمدار خست.
وینەیلیگ ئەرا ئەو گەنج ٢٢ ساڵانە بڵاو بوین، ک ئەو پەلامار خوینینە لە مۆڵیگ لە کۆبنهاگن جیوەجی کرد، ک نشان دەێد هەنای پۆلیس دەسگیری کەێد.
ڤیدیۆیگ بڵاو بوی، هەنای تاوانبارەگە چوودە بان پاچینە، لە شوینیگ لەناو مۆڵەگە وتفەنگیگ ها دەسی.
هەمیش گرتەیل رخبەریگ لەناو ڤیدیۆگە بڵاو بوی، ک نشان بکوشەگە دەێد وەسەرخوەی گەردێد ولەناو مۆڵەگە تەقە کەێد، وهاوار کەێد وئویشێد یانە راسی نیین.
ئەو گەنج چەرمگ وە گیس هویلە وە تفەنگ راوچی دەرکەفێد، پارچە پەڕوویگ نایەسە بان سەری، وپانتۆڵ کوڵیگ، هەکاتی راوچیەیلە.
پۆلیس دەنیمارک راگەیان ک بڕیگ کەس کوشیان وزەخمدار بوین لەو تەقەکردنە، لەناو مۆڵ "فیڵدز" لە کۆبنهاگن پایتەخت.
دەسەڵاتەیل توەنستن دویای یەک ساعەت لەو پەلامار مەرگبارە، ئەو کابرا دەسگیر بکەن.
