میدیای عیبری: پەلان پەلاماردان ئیران ئامادەس و ماڵ وەرپرسەیل هاناوی
شەفەق نیوز/ کەناڵ ١٤ی ئیسرائیلی، خەوەردا کە پەلان ئیسرائیل ئەرا وەڵامدان وەبان پەلامار مووشەکی ئیران ئامادەس، وتیش: پەلاماردان ماڵ وەرپرسەیل ئیران هاناوی، لە وەڵامدان وەبان تەقەلای کوشتن بنیامین نتنیاهو سەرۆک وەزیرەیل ئیسرائیل، وە فڕۆکەی بێفڕۆکەوان وەلایەن حزبولڵا وەبان ماڵەگەی باکوور ئیسرائیل وەرجە چەن رووژیگ.
کەناڵەگە وت: سوپای ئیسرائیل و دەزگای هەواڵگری دەرەکی پلان وەڵامدان وەبان پەلامار مووشەکی ئیران لە سەرتای ئی مانگە ئەرا بنیامین نتنیاهو سەرۆک وەزیرەیل، و یوئاف گالانت وەزیر وەرگری پیشکەش کردن.
وتیش: ئەو پلانە کە تەنیا شمارەی کەمیگ لە وەرپرسەیل لەلی زانن، پەسەنەیل فراوانیگ هاناوی، لەلییان دامودەزگایل و نەفتی، و ئامانجەیل سەربازی و حکومەتی، وەگەرد ماڵ وەرپرسەیل ئیرانی، لە وەڵامدان وەبان پەلاماردان ماڵ نتنیاهو لە قیساریا.
راپۆرتەگە دیاری کرد کە کاپتنەیل چەک ئاسمانی کە لە پەلاماردان ئیران بەشداری کەن، وەرجە جیوەجیکردن ئۆپراسیۆنەگە وە کەمی ئامانجەیل زانن.
ئەو کەناڵ ئیسرائیلیە وتیش: هاتێ پەلامارەگە بەشداریکردن فرۆکەیگ سزەمەنی لەناوی بوود، وەگەرد ئەگەر وەکارهاوردن مووشەک دویر مەودا.
ئیسرائیل هەڕەشەی وەڵامدان بکوش و مەرگبار وەبان ئیران دا، لە وەختیگ جۆ بایدن سەرۆک ئەمریکا راگەیان کە پشتگیری لە پەلاماردان ئامانجەیل ئەتۆمی یا نەفتی نیەکەێد.
