لوبنان کارەبا نەیرێد
2023-08-16T15:39:02+00:00
شەفەق نیوز/ میدیایل لوبنان بڵاو کردنە کە دویای نیمەڕو ئمڕوو، لە سەرتاسەر لوبنان کارەبا بڕیاگە، دویای ئەوەگ ئەو کۆمپانیا کە کارگەی دێر عەمار و زەهرانی خەێدە کار، بڕیار دا بەێدەی دەس دامەزراو کارەبای لوبنان.
وەگورەی زانیارییەیل تەلەفزیۆن ئەلجەدید، ئەو کۆمپانیا کە کارگەی دێر عەمار و ئەلزەهرانی وەڕیەو بەێد، پرایم ساوس، ئەو دوو وێستگە لە ساعەت ٥ ئیوارەی ئمڕوو دادە دەس دامەزراو کارەبای لوبنان، واتە دابینکردن کارەبا لە لوبنان وسیەێد.
زانیارییەیل کەناڵ “کۆمپانیای پەخش لوبنانی” ئاشکرا کردن کە “پرایم ساوس” ئی بڕیارە داگە دویای کەڵەکەبوین شایستەیلی وەگەرد کۆمپانیای EDL کە رەسێدە ٨٣ ملیۆن دۆلار، کە تەنیا نزیکەی دوو ملیۆن دۆلاری وەرگردیە، وتیش؛ کۆمپانیاگە نیەتوەنێد وەردەوام بوود و لەی رەوشە کار بکەێد، وە تایبەت کە هویچ نشانەیگ نیە کە ئەو پویلە کە کارەبای لوبنان گردیەو کەێد بکەێدەی دۆلار کە دۆلار ئەرا وەڕێوەبردن کارگەیل و مقیەتیکردن پارچەیل یەدەگ وەکاری تیەێد.
