له سهر ئی مانگه‌و؛ مه‌حدوودیه‌ت ده سه‌د و په‌نجا شار
شه‌فه‌ق نیوز- وه‌زیر کشوه‌ر ئێران، وت: له سهر ئی مانگ هه‌تاوییه‌و، هاتن و چگن وه سنگ کورونا، مه‌حدوودیه‌ت په‌یدا دکه‌ێ.
ره‌حمانی فه‌زڵی ک فه‌رمانده‌ی قه‌رارگای نواگری له کوروناییش هه‌سه، وت: تا ئێسه چل و سێ دانیشتنه‌وه و سێسه‌د و هه‌فتا په‌سه‌نیه ده باره‌ی کورونا داشتیمنه.
سه‌عید نه‌مه‌کی، وه‌زیر بێهداشتیش، ده شوون ئه‌و وتگه ک له ساعه‌ت نۆ شه‌و وه‌ر ئه‌و ئه‌ولا، تا یه‌ک هه‌فته، نوای هاتن و چگن ده شاره‌یلێ ک وه‌زیاتێیان وه سۆر نیشان دریاگه، دگریمن و دووربینه‌یل نام خیاوانه‌یله، جرم که‌سه‌یلێ ک گووش له‌ی فه‌رمانه نه‌ته‌کنن دکه‌ن.
ئه‌وی وت: ده‌رهاتن و دش کردن وه شاره‌یلێ ک ستاد کورونا، وه ره‌نگ سۆر یا نارنجی دیاریێیان کردگه، ده پانسه‌د هزار تمه‌ن تا یه‌ک ملیوون تمه‌ن جه‌ریمه دیرێ.
ئه‌و وتگه کیت فره‌یێگ ک جی‌ئه‌ڵ‌جی کورونائیه‌‌یله دیارییه‌و دکه‌ێ دڕشنیمن ده بازار و هه‌ر کورونایی ک کریا دی ده، شوونێ ده ئه‌پڵی‌که‌یشن ماسک ک دنرێ ده مل موبایله‌یله، ئه‌ڵگریمن، به‌شکه‌م ئی هه‌ر که‌س ئه‌ڔا خوه‌ێیه نه‌مینێ، ئوو وه کونتروڵ بیماره‌یله ک وه بیمارستان نه‌هاتنه و باعس بینه تا بویشیمن ک ئی بیمارییه گورد بڕییه و له ده‌سمان ده‌رچگه، له نوو و دۆمای ئی دو هه‌فته که‌ڕه‌نتینه‌ی گشتی ئی هه‌مگه شاره، گورد ئی بیمارییه‌یش بگریمنه ده‌سمانه‌و.
