له خوه‌ندنگايگ له فلۆريدا 17 كه‌س كوشيان
2018-02-15T08:33:00+00:00
شه‌فه‌ق نيوز/ ده‌سڵاته‌يل ئه‌مريكى ئاشكراى ئه‌وه كردن ك چه‌كداريگ 19 ساڵان له خوه‌ندنگايگ له فلۆريدا وه چه‌كيگه‌و ته‌قه كردگه ك زويتر له‌و خوه‌ندنگا ده‌ركرياگه‌و له‌ئاكام ئه‌و ته‌قه‌كردنيشه 17 كه‌س كوشتگه وه‌رجه ئه‌وه‌گ پۆليس ده‌سگيرێ بكا.
وه گووره‌ێ قسه‌ێ ده‌سڵاته‌يل ئه‌مريكى، ئه‌و روێداگه وه‌رجه كه‌ميگ له ده‌رچگن خوه‌ندكاره‌يل روێداگه له خوه‌ندنگاى ناوه‌ندى"ستونمان دوجلاس" له فلۆريدا ك ئه‌كه‌فێده دويرێ 60كم له باكوور مه‌يامى.
جى باسه، باس له‌وه‌يش كريا ك ئه‌و چه‌كداره ناوى نيكولاس كرۆزه‌ر زاينده‌ى ساڵ 1999 بويه‌و خوه‌ندكار بويه له خوه‌ندنگاگه، وه‌لێ له‌وه‌ر هووكاره‌يليگ په‌يوه‌س وه ره‌وشت ده‌ركرياگه.
