له‌ئاكام ته‌قينه‌وه‌يگ له پاكستان 60 كه‌س كوشيان و زه‌خمدار بوين
2017-01-21T10:59:00+00:00
شه‌فه‌ق نيوز/ وه‌رپرسه‌يل پاكستانى ئاشكراى كوشيان 13 كه‌س و زه‌خمداربوين 47 كه‌س تر كردن له ئاكام ته‌قينه‌وه‌يگ له بازاڕيگ له ناوچه‌يگ ئێڵايه‌تى له باكوور خوه‌رئاواى وڵاته‌گه.
وه‌پرسه‌يل ئه‌و وڵاته له‌ى باوه‌ته‌و ئه‌وه ده‌رخستن ك ئه‌و ته‌قينه‌وه له بازاڕيگ سه‌وزيفرووشى له باراشينار روێداگه ك گه‌وراترين شاره‌يل هه‌رێم كرام هووزايه‌تيه له نزيك مه‌رزه‌يل وه‌ل ئه‌فغانستان.
جى باسه، وه‌رپرسيگيش له ئداره‌ى باراشينار ئاشكراى كوشيان و زه‌خمدار هه‌مان شماره كرد، وه‌لێ وه‌رپرسه‌يل تر باس له‌وه كردن ك قوربانيه‌يل ئه‌و ته‌قينه‌وه فيشتر ئه‌دێ، چوينكه كه‌سه‌يليگ له‌تى زه‌خمه‌يليان فريه سه‌خته.
