پەلامار رووسیا وە مووشەک و فڕۆکەی بێفڕۆکەوان وەبان نیمەی ئۆکرانیا لە "گەورەترین پەلامار لە جەنگەگە"

 ئیدارەی سەربازیی ناوچەی کیێڤ لە پۆستیگ لە هەژمار تێلێگرام خوەی وت: لە ماوەی شەو چەن جاریگ سیستەم وەرگری ئاسمانی ناوچەی کیێڤ خریاسە کار، نواگیریکردن مووشەک و فڕۆکەی بێفڕۆکەوان کە پایتەخت ئۆکرانیاید کردنە ئامانج.

 دوو وەرپرس ناوچەگە وتن: "لەلای کەمەو کەسیگ دوای پەلاماردان شوینیگ مەدەنی لە شار کریڤی ری لە ناوڕاس ئۆکرانیا کوشیاس"، و وەچەودیەیل وتن کە لەلای کەمەو سێ گلە تەقینەوە لە شەو لە کیێڤ رویدا.

 لەلەلای خوەییش، ئۆلیکساندر ڤیلکول ڕێه، سەرۆک ئیدارەی سەربازی کرێڤی وت: "هاتێ هیمان پەنج هاوڵاتی مەدەنی لەژیر رمیاگەیل بوون، و 4 کەس لە ئەنجام پەلامارەگەی رووسیا زەخمدار بوین".

 تا ئیسە ڕردەی پەلامارەیل رووژ سێشەممە نەزانیاس، بەڵام هیز ئاسمانی ئۆکرانیا راگەیان کە چەودیاری وەشیان چەن بڕیگ فڕۆکەی بێفڕۆکەوان و هەڵسان گولەی ستراتیجی Tu-85 و فڕۆکەی میگ-31 ئینتەرسێپتەری هایپەرسۆنیک لە فڕۆکەخانەیل رووسیاوە کردگە.  هوشداری لە هەڵمەتەیل لە کریڤی ڕیه، کیێڤ و ناوچەیل ناوڕلس و خوەرهەڵات ئۆکرانیا لە فرەی شەوەگە وەردەوام بوی. 

 زیاتر لە ٢٠٠ مووشەک و فڕۆکەی بێفڕۆکەوان

 رووژ دووشەممەی گوزەشتە رووسیا زیاتر لە 200 مووشەک و فڕۆکەی بێفڕۆکەوان وەشان و لەلای کەمەو 7 کەسید کوشت و زیان زە ژیرخان وزە رەسان لەو پەلامارە کە جۆ بایدن سەرۆک ئەمریکا وە "ئاشکرا" ئیدانەی کرد، لە وەختیگ ڤۆلۆدیمیر زێلێنسکی سەرۆک ئۆکرانیا وە "نەفرەتاوی" وەسفی کرد.

 زێلێنسکی وت: "هەکاتی فرەی پەلامارەیل وەرین رووسیا، ئی پەلامارە وەخود شیوە نەفرەتی بوی و ژیرخان مەدەنی ژیانیگ کردە ئامانج"، وتیش: فرەی ناوچەیل وڵات کریانە ئامانج، لە خارکیڤ و کیێڤەو تا ئۆدێسا و خوەرئاوا، وەگورەی بڵاوکردن ئەسۆشێتد پرێس.