ئیلام و تێهران لە ژێرهێڵ سوور کورونا دەرچگن

شەفەق نیوز/ ئوستان ئیلام و ئوستان تێهران، هەردوگیان لە ژێر هێڵ سوور کورونا دەرهاتنە دەر و دە بان ئەتڵەس رووژانەێ کوروناێ ئێران، رەنگێیان زەردەو بی. 

کرماشان و کوردستان و ئازەربایجان رووژئاوا و هەمەدان، ک لە پارێزگاێل کوردنشین ئێرانن، هێمان هانە نام رەنگ‌وەنی سوور ئوو وەز و رەوش خاسێ نەدیرن.

وزارەت بێهداشت ئێران، ئەڕا ناین مەێن و مناێل کورونایی و ئەوڕەسانن وڵاتوەندەێلە، یە خەیلێگە نەخشێ وەز و وەزیات ئوستانەێلەێ لە لا بیین و نەبیین کورونا چاپ و بڵاوەو دکەێ ک پولیس و دەوڵەت لە بان ئەوە کار و بار خوەیان دچنن.