ئیلام فەیلی رووژانە 300 هەزار بەرمیل نەفت بەرهەم کەێد
2022-04-10T09:04:37+00:00
شەفەق نیوز/ پارێزگار ئیلام راگەیان: رووژانە نزیکەی 300 هەزار بەرمیل نەفت لەو پارێزگا دەرکردیەێد و و فرووشیەێد، باوجی گلەیی لە وەزارەت نەفت کەێد، ک وەگورەی خوازین پاپەندیەیلی لەی پارێزگا جیوەجی نیەکەێد.
حەسەن بەهرام نیا، پارێزگار ئیلام وت: پارێزگای ئیلام لەبان ئاست ئیران سێیەمین پارێزگاس، ک فرەترین رێژەی نەفت و گاز دیرێد.
وەپەی راپۆرتە فەرمییەیلە، 11% گاز ئیران و 6٪ سەرچەوەیل نەفتی ئەو وڵاتە لە پارێزگای ئیلام فەیلیە. پارێزگار ئیلام وتیش: ئی پارێزگا لە چەو ئەو پارێزگایل ک نەفت دیرن، خریاسە پشتگووش و سوود نەفت و گازەگەی وەپی نەڕەسیە.
بەهرام نیا، گلەیی لە وەزارەت نەفت کەێد، ک وەئاست فرەیگ وای ئی پارێزگا پیس کەێد، باوجی یارمەتییەیل ئەو وەزارەتە چشتیگ نییە.
