لافرۆف: ئه‌مريكا ناخوازێد له سوريا ده‌ربچێد
شه‌فه‌ق نيوز/ سيرغى لافرۆف وه‌زير خارجيه‌ى رووسى، وت: ريڕه‌و ويرانكردن و كاولكارى سوريا بڕيگ له وڵاته‌يل وه‌ريگرتنه‌و ئاماژه وه‌يه‌يش كرد ئه‌مريكا ناخوازێد وه‌ى نزيكه‌يله له‌سوريا ده‌ربچێد.
لافرۆف له دانيشتن ئه‌نجومه‌ن وه‌زيره‌يل خارجيه‌ى ده‌وڵه‌ته‌يل ريكخرياگ شانغهاى ئه‌را هاوكار له په‌كين پايته‌خت چين ك شه‌فه‌ق نيوز ئاگادارى بوى وت: وڵاته‌يل يه‌كگرتگ ئه‌مريكى ناخوازيد وه‌ى نزيكه‌يله سوريا بيليده‌جى و جيگير ئه‌دێ له ديم خوه‌رهه‌ڵات ئاو فورات.
وه‌زير خارجيه‌ى رووسى ئوميده‌واره گفتگووه‌يل ئى دوياخره وه‌ل فره‌نسا چشتيگ له ئاشكرايى ده‌ربخه‌ێد له مامڵه‌كردن وه‌ل مه‌سه‌له‌ى سوورى و وت: ئوميد فره‌يگ ديرم دوياى په‌يوه‌ندى وه‌ل هاووكاره‌يل فره‌نسى چشتيگ له ئاشكرايى بخريه‌ێده بان چوينێتى هاوكاريمان له ئاينده وه‌ل مه‌سه‌له‌ى سوورى و پايه‌ندبوين وه بنه‌ماو ياسايه‌يل ناوده‌وڵه‌تى و ريككفه‌تنه‌يل نه‌ته‌وه‌يل يه‌كگرتگ.
