لاريجانى: سه‌ركرده‌يل عراق رێ وه ئه‌مريكا نايه‌ن ده‌س بگرێده بان نه‌فت
شه‌فه‌ق نيوز/ عه‌لى لاريجانى سه‌رۆك په‌رله‌مان ئيران جه‌خت له‌وه كرد سه‌ركرده‌يل عراق رێ وه ئه‌مريكا نايه‌ن ده‌س بگرێده بان نه‌فت و يه‌يش ده‌خست ك نه‌فت سوورى موڵك ملله‌ت و حكومه‌ته له سورياو ئه‌مريكايش ماف ئه‌وه نه‌يرێد سه‌رچه‌وه‌يل نه‌فتى له سوريا كۆنترۆڵ بكاو بدزێده‌ى.
لاريجانى له وته‌يگى وت: تره‌مپ وه‌گشت رويدارييگه‌و لێدوان له‌باره‌ى عراقيش ئه‌ياد، وه‌لێ هويرى له‌لاى ئه‌وه نيه ئداره‌و سوپاى ئه‌مريكى گشت هه‌وڵيگ دان له‌وه‌ر خاتر كۆنترۆڵكردن سه‌رچه‌وه‌يل نه‌فتى له عراق، وه‌لێ مه‌رجه‌عيه له نه‌جه‌ف و سه‌ركرده‌يل و ملله‌ت عراقى رێ ئه‌و خيانه‌ت ئه‌مريكا نه‌يانه.
جى باسه، لاريجانى هه‌ميش وت: ئه‌مريكا كاره‌يليگ چه‌واشه وه ره‌فتاريگ تر ئه‌نجام ئه‌ياد ئه‌را دروسكردن بشيوى له وڵاته‌يل تر ناوچه‌گه له‌وه‌ر ئه‌وه‌گ ده‌س بگريده بان سه‌رچه‌وه‌يل نه‌فتى و جيوه‌جيكردن ئامانجه‌يلێ.
