لایەنگرەیل تڕەمپ وە چەکەو لەوەردەم نویسینگەی لێکۆڵینەوەی فیدراڵی گردەو بوون
شەفەق نیوز/ بڕیگ لە لایەنگرەیل دۆناڵد ترەمپ سەرۆک وەرین ئەمریکا، وە چەکەو لە وەردەم نویسینگەی لێکۆڵینەوەی فیدراڵی لە یەکیگ لە ویلایەتەیل ئەمریکا گردەو بوین، و دیاری کردن ک ئەرا پشتگیریکردن ترەمپ هاتنە تا ناڕەزایی لەبان وەشکین ماڵەگەی لەلایەن نویسینگەگە.
تووڕ CNN وت: بڕیگ لە لایەنگرەیل دۆناڵد ترەمپ سەرۆک وەرین ئەمریکا، وەچەکەو لە دەیشت نویسینگەی لێکۆڵینەوەی فیدراڵی لە فینیکس لە ویلایەت ئەریزۆنا گردەو بوین.
تووڕەگە دیاری کرد ک ئەو گرتەیلە ک توومار کریان، لایەنگرەیل تڕەمپ وە چەک و دەوانچە لەناو جادە دیاری کرد، ویە وەگورەی یاسای چەک لە ویلایەت ئەریزۆنا ری وەپی دریاگە.
تووڕەگە لە زوان یەکیگ لە ناڕەزایل وت: یانە لەو شوینە ئەرا پشتگیریکردن ترەمپ گردەو بوینە و ناڕەزایی وەبان نویسینگەی لێکۆڵینەوەی نایاسایی لە (مار ئێ لاگو).
تووڕەگە دیاری کرد ک نویسینگەی لێکۆڵینەوەی فیدراڵی وەگەرد وەزارەت ئاسایش ناوخۆ، هەواڵیگ هاوبەش بڵاوکردن هوشداری لە هەڕەشەی دژوە دەسەڵاتەیل رزگارکردن یاسای فیدراڵی و دادگایل وفەرمانبەرەیل وشوینەیل کەێد.
لەلای خوەییش، کیڤن سمیت قسەکەر نویسینگەی لێکۆڵینەوەی فیدراڵی وت: بڕەگە ٢٥ کوس بوین وە شیوەی ئاشتەوایی وەگورەی ماف دەستوور ئەمریکی رەفتار کردن، و هەر لەبان کنار ریەگە بوین، و قەت نەچینە ناو شوینەیل نویسینگەی لێکۆڵینەوەی فیدراڵی.
سمیت وتیش: تا نیمەڕو ئەو کەسەیلە چویچیان، وهویچ ریکاریگ لەلایەن نویسینگەی لێکۆڵینەوەی فیدراڵی نەوی.
