چیلی...وە مدوو هیزگردن ئاگر لەناو دارسان زیاتر لە 50 کەس بوینە قوربانی

تیمی تەندروستی وڵاتەگە ئاشکەرایکردن، هاتێ شمارەی مردنەگان زیاترەوبوود، لەهەمان وەخت نزیکەی هەزار و 100 ماڵ زەرەد وەپیان رەسیە.

وەپای کەناڵ "سی ئێن ئێن"، یەکەیل سەربازی لە ناوچە زەردیەیل ئاگرەگە بڵاوکریایە، و گشت رێکارەیل گیریاس ئەرا کپەوکردن ئاگرەگە.

لەماوەی دوو رووژ هیزگردن ئاگەرەگە 43 هەزار هێکتار لە دارسانەگە زەرد وەپی رەسیە، وەپای قسەی وەرپرسەیل؛ وڵاتەگەمان رویوەڕوی بەدترین بارودۆخ بویە لەدویای زەویلەرزەگەی ساڵ 2010 . 

وەزیر ناوخوەی وڵاەگە کارۆلینا توها لە بەیاننامایگ راگەیان، پیاوەیل ئاگر کپەوکردن توەنستنە نزیکەی  40 لەسەد ئاگرەگە کنترۆل بکەن تا ئیسە کارکردن وەردەوام ئەرا کپەوکردن 29 ئاگر لە دارسانەگە.