لەوەر قەیران وزە نرخ زوخاڵ دویای 17 ساڵ بەرزترین ئاست توومارکرد
2022-10-04T12:45:24+00:00
شەفەق نیوز/ نرخ یەک تەن لە زوخاڵ سەنگی ئەرا بان 200 دۆلار بەرزەوبویە یەیش بەرزترین ئاستە لەماوەی 17 ساڵ گوزەشتە هەر جویر ئەوەگ کارگێری زانیاریەیل وزەی ئەمریکا ئویشن ک هوکارەگەیشی قەیران وزەس.
کەمەوبوین رەسین گاز سروشتی ئەرا ئەوروپا، بویەسە هووکار کەمبوین وزەی پێویست ئەرا رووشنایی و گەرمەوکردن لە وڵاتەیل خوەرئاوای ئەوروپا و رخ گەپیگ لە سەرهەڵداین قەیران سەختیگ وزە هەس لە زمسان ئایندە.
ئەرا پرەوکردن کەمی وزە، پەنابەنە وەر زوخال و بازاڕ ئەو سەرچەوە لە وزە گەرمەو بویە و ئاژانسی بلومبێرگ ئوشێد، "هێمانێ زوخاڵ سەرچەوەیگ سەرەکیە ئەرا کاروەپیکردن وێستگەیل بەرهەمهاوردن وزە لە ئەمریکا، و گران بوین نرخەگەی زوور خەێدە بان خیزانەیل ئەمریکی و لێوا کەێد کرای کارەبای فرەتریگ ئەرایان باد".
