لەوەر زەویلەرزە ویرانکەرەگە.. زیاتر لە ٢٠٠ هەزار باڵەخانە لە ئەستەنبوڵ بە رمانن و خاسەوکردن تواێد
2023-08-19T12:45:33+00:00
شەفەق نیوز/ وەگورەی ئەنجامە سەرەتاییەیل وەشکین بینا زەرەدبویەیل دویای زەویلەرزەی کەهرامان مەرعش، زیاتر لە ٢٠٠ هەزار بینا لە ئیستەنبوڵ رمیان یا وەزوی خاسەوکردن خوازن.
رووژنامەی "ملییت" تورکی، ئمڕوو شەممە بڵاو کردەيە کە "نیمەی ئەو 35 هەزار باڵەخانە کە وەشکیانە وە "رخبەر" دريانه قەڵەم، لەوەختیگ لە گشت شارەگە 207 هەزار باڵەخانە هەس کە رمیان یا قایمکردن زویوەزی خوازن، هەرلیوا 77 هەزار کەسیش لەناو ئی بینایلە هەس ”.
لەلاییگتریش، زانای زەویلەرزەیل تورکیا، ناجی گورور، کە چەن جاریگ ئاگادار وەرپسەیل کردیە لە ئەگەر رویدان زەویلەرزەیل ویرانکەر لە ئیستەنبوڵ، دووپات کرد کە دانیشتگەیل ١٠٠ هەزار بینای پایتەخت ئەگەر مردنیان هەس لە ژیر رمیان ماڵەیلیان.
رووژنامەی حوریەت لە زوانیی نویسایە: "خەڵک لە 100 هەزار باڵەخانە لە ئەستەنبوڵ چەوەڕیی مردن کەن، با سەرەتا ئاگادار ئەو کەسەیلە بویمن و سەرەتا ماڵ ئەرا ئەو کەسەیلە دروس بکەیمن کە ژیانیان ها مەترسی".
