لەوەر گیچەڵ تەندروسی… وەزیر وەرگری ئەمریکا یە چەن رووژیگە لە خەسەخانە خەفتیە
2024-01-06T07:15:06+00:00
شەفەق نیوز/ وەزارەت وەرگری ئەمریکا، "پنتاگۆن"، دویەکە لە وێنە دیریگ راگەیان کە وەزیر وەرگری ئەمریکا لۆید ئۆستین لە رووژ دووشەممەو لەوەر گیچەڵ تەندروسی دیارینەکریای لە خەسەخانە چارەسەری ئەرای کریەێد، وەبی ئەوەگ هویردەکارییەیلی ئاشکرا بکەێد.
ئۆستین کە تەمەنی ٧٠ ساڵە، دویای جۆ بایدن سەرۆک کۆمار ئەمریکا تیەێد ئەرا سەرکردایەتیکردن سوپای ئەمریکا و ئەرکەکەیلیش وەیجویرە دخوازن لە هەر مەوقەیگ ئامادە بوود ئەرا هەر قەیرانیگ ئاسایش نیشتمانی.
وەڕێوەبەرایەتییەگە وتیش: کە ئایا ئۆستین وەرجە یا دویای چگنی وەناو سەنتەر پزیشکی سەربازی واڵتەر ڕید لە هووش خوەی لەدەسداگە، یا تا جیگرەگەی، کاثلین هیکس، ئەرکەیلی گرێدە دەس.
ئی ئەرکەیلە بریتین لە ئامادەیی ئەرا وەڵامدانەوەی هەر پەلاماریگ ئەتۆمی مەزەنەکریای.
وەزارەتەگە وتیش: ئۆستین تەیش "گرفت دویای ریکاریگ پزیشکی هەڵوژیای" بویە، بەڵام باسی ئەم ڕێکارە یا ئەو ئاڵۆزییەیل وەزیرەگە نەکرد.
وەگورەی ئاژانس ڕۆیتەرز، ژەنەڕاڵ پات ڕایدەر، قسەکەر وەزارەت ەرگری، دویەکە جمعە راگەیان وەزیرەگە "وە خاسی خاسەو بوود و مەزەنە هەس ئمڕوو دەس وە ئەرکە تەواوەیلی بکەێد".
