لەوەخت دەسکردن وە ناڕەزایەتیەیل ئیران تا ئیسە.. کوشیان ٣٠٤ کەس لە ژن و ناخاڵە هاناویان

شەفەق نیوز/ ریخریاگ ماف مرۆڤ ئیرانی، ئمڕوو دووشەممە، ئامار قوربانیەیل ئەو ناڕەزایەتیەیلە راگەیان ک لە چەن پارێزگای لەوڵاتەگە کەفتن.

ریخریایەگە لە بەیاننامەیگ رەسیە ئاژانس شەفەق نیوز وت: شمارەی کوشیاگەیل رەسیە ٣٠٤ کەس هەرلە سەرەتای ناڕەزایەتیەیل جەماوەری لە چەن پارێزگایگ ئیران، دویای کوشیان دویەتیگ وەدەس پولیس.

ریخریایەگە ک بارەگای هالە نەرویج و گرنگی وە باوەت ئیران دەێد، وت: فرەی قوربانیەیل لە پارێزگایل سیستان و کوردستان و تەهران و مازەندەران بوینە.

وتیش: ٤١ کەس لەناو ئەو کوشیاگەیلە تەمەنیان خوار ١٨ ساڵە وەگەرد ٢٤ ژن.

ناڕەزایەتیەیل ئیران ئەرا ماوەی ٧ هەفتەس لە ئیران فراوانەو بویە، دویای کوشیان ژینا ئەمینی لە تەمەن ٢٢ ساڵان وەدەس پۆلیس ئەخلاق.