لە چین یەکەم مردن وە تاعون توومار کریا

شەفەق نیوز/ میدیایەیل چین، ئمڕوو چوارشەممە، بڵاوکردن یەکەم مردن وە بیماری تاعون ک لە جەهان وە " مەرگ سیا" ناسریاگە لە باکوور خوەرئاوای وڵاتەگە توومار کریایە.   

ئاژانس هەواڵ شینخوا-ی فەرمیی چین بڵاوکردیە، لە ناوچەی نینغشیا، ک کەفێدە باکوور خوەرئاوای چین یەکەم حالەت گیانلەدەسدان وە تاعوون توومارکریایە، دیاریکرد ئەو کەسە لە مەنگۆلیاوە گلەوخواردیە وەرجە ئەوە لەورا بویە باوجی تا ئیسە پشتراس نەکریایە لەورا تویشهاتیە یا دویای گلەوخواردنی. 

بیماری تاعون، بیمارییگ بەکتریایی گواستراوە کوشندەیگە، هوکار بیماریەگە بەکتریایگە وە ناو یەرسینیا پیستیس ک وە ناو ئەو زانا نریایە ک ئەرا یەکەم جار پەیای کردیە "ئەلیکساندەر یەرسین"، بەکتریاگە بوودە هووکار هەوکردن توونیگ سویەیل، نیشانەیلی لە ناوچەی بڵاوبویەگان ئاڵشتبوود.