لەماوەی هەفتیگ.. کوشیان 150 کەس لە هایتی و وڵاتە یەکگرتگەیل هووشداری دەێد
شەفەق نیوز/ ئاژانس "رۆیتەرز"، ئمڕوو پەنجشەممە، خەوەردا لە کوشیان 150 کەس لەماوەی هەفتەیگ لە هایتی لەوەر بەرزەوبوین تونوتیژی چەتەیل لە وڵاتەگە.
وڵاتە یەکگرتگەیل راگەیان، شەپوول نوویگ لە تونوەیژی لە برنس پایەخت هایتی وە لای کەمەو کۆتایی وە ژیان 150 کەس هاورد لە 11 تەشرین دویەم تا ئیسە، رێژەی کوشیانەگە لەماوەی ئمساڵ بەرزەوبوی ئەرا زیاتر لە 4500 کەس.
یەیش لە ئەنجام کۆنترۆلکردن 80% لە شارەگەس وەلایەن چەتەیل چەکدار، و وە ئامانج گردن مەدەنیەیل وەردەوامە.
کۆمیسار باڵای مافەیل مرۆڤ نەتەوە یەکگرتگەیل، ڤۆڵکەر تورک، هووشداری دا لە بەرزەوبوین تونوتیژیەیل لەی دویاییە بەدترین چشتە"، داوای وسانن دەسوەجی تونوتیژی باندەیل کەێد، و هووشداریدا لەوەگ وڵاتەگە چوودە ناو مەرافیگ زیاتر.
پایتەخت هایتی بویە بارمتەی باندەیل، لەوەر ئەوەگ ری سەرەکیەیل شار پرینس کە شمارەی دانشتگەیلی نزیکەی چوار ملیۆن کەسە، کەفتنە ژیر کۆنترۆل گروپەیل چەکداری، وە یەیش نزیکەی 20 هەزار کەس ناچاربوین لەماوەی هەفتەیگ ماڵەیلیان چووڵ بکەن.
