لەماوەی سێ مانگ شمارەی نەدارەیل ئەرا 70 ملیۆن کەس زیاد کردیە
2022-07-08T08:41:14+00:00
شەفەق نیوز/ بەرزەوبوین نرخەیل خوەراک و وزە وە شیوەی وەرچەویگ لە جەهان بویەسە هووکار نەداریی فراوانیگ، ک وە جویریگ تەنیا لەماوەی سێ مانگ کاریگەری وەبان 71 ملیۆن کەس لە وڵاتەیل کەم داهات داشتیە.
لە بەرنامەی گەشەوەپیدان نەتەوە یەکگرتگەیل لە راپۆرتیگ هووشداری دا، ئی خێرا بوین نەداریە فرە تونترە لە شۆک پەتای کۆڤید-١٩ و جەنگ ئۆکرانیا ک هووکاریگ بوی لە هەڵاوسان.
دووپاتکرد، وڵاتەیل پەیوەندیدار پشتیوانی سیستەم فرەلایەنە خوازێد ئەرا دابینکردن پێداویستیەیل.
لە راپۆرتەگە باس لە بارودۆخ 159 وڵات کریایە، دیاریکردیە ئەو وڵاتەیلە تویش رخبەرترین بارودۆخ بوون کەفنە ناوچەیل بەلکان، و دەریای خەزەر و ئەفریقیا و وەتایبەت ناوچەی کناراوی.
