لە ئەفریقا.. هشکەساڵی قڕان خەێدە ناو مەلیۆنا ئاژەڵ و رخ لە کارەساتیگ مرۆیی هەس
شەفەق نیوز/ نەتەوە یەکگرتگەیل هوشداری لە کارەساتیگ مرۆیی بیوەرین دا لە ناوچەی شاخ ئەفریقی، لەوەر کەم وارانی ئەرا پەنجەم ساڵە لەبان یەک، ک هەڕەشەی ئاوارەیی زیاتر لە یەک مەلیۆن کەس دەێد وەمینەی ئاو و خوەراک.
ریخریاگە جەهانیەگە ئەرا رەوانگەی کەشوهەوا لە نەتەوە یەکگرتگەیل لە بەیاننامەیل ئاژانس فرانس پڕس پڵاو کرد وت: وەرزەیل کەم واران بیوەرین قڕان خستە ناو مەلیۆنا سەر ئاژەڵ، و و فەوتیان کشتوکاڵی و ناچارکردن ١،١ مەلیۆن کەس ئەرا ئاوارەبوون لە ماڵەیل خوەیان وەمینەی خوەراک وئاو.
ریخریاگە نەتەوەیەگە مەزەنە کرد ئەو هشکەساڵی ویرانیە لە شاخ ئەفریقی وەگەرد وەرز کەموارانی سەختەو بوود، ک هەرلە ئەسیوپیا وکینیا وسۆمال بەدترین شەوپوول هشکەساڵی وە خوەی دوینێد، ک یە ٤٠ ساڵە وەیجویرە نەویە، ومەزەنە هەس وەرز واران بەدیگ وەخوەی بوینێد.
کلار نولیس خانمە قسەکەر ریخریایەگە لە کۆنگرەیگ رووژنامەوانی لە جنێڤ وت: هشکەساڵیەگە وەردەام بوود، وەداخەو ک مەزەنەیل ئەگەر بەرزیگ لە هشکەساڵی سەختیگ لە فرەی ناوچەیگە نشان دەن.
مەزەنە کریەێد ئەو ناوچەیل زەرەدمەنە لە ئەسیوپیا و کینیا وسۆمال وارانیگ کەمتر وەخوەیان بوینن.
