پۆلیسە بکوشەگەی جۆرج فلۆیدی لە زیندان دریا وەر چەقوو

وەپای خەوەریگ لە رووژنامەی نیویۆرک تایمز ئەمریکی،  دێریک شۆڤن پۆلیس ئەمریکی کە وە توومەت کوشتن سیاپووس ئەفریقی "جۆرج فلۆرید" زیندانی کریاوێد لە ویلایەت ئەریزۆنا لەناو زیندان رویوەروی پەلامارداین بوی و زەخمداری کریەێد".

وەپای رووژنامەگە، وەرپرسەیل زیندانەگە بەیاننامەیگ ئەرا ئاژانس فرانس پرێس کلکردنە و پشتڕاسی کردنە لەناو زیندانەگە پەلامار کەسیگ دریایە و  کارمەنەیل زیندانەگە ریوشوین گردنەسە وەر ئەرا کۆنترۆلکردن بارودۆخە باوجی ئاشکەرای نەکردنە ئەو زیندانیە کییە.

مردن فلۆرید کاردانەوەی جەهانی لەدویای خوەی هاورد لە دویای ئەوەگ وە دەسبەسیاگی ئەرا ماوەی زیاتر لە نۆ خولەک پۆلیسیگ پای وەبان ملی داناوێد و بویە دروسبوین ناڕەزایی دەربڕین دژ وە دڕندەیی پۆلیس و رەگەز پەرەستی.