لە ئیران.. سەربازیگ پەنج لە هاوکارەیلی کوشێد
2024-01-22T04:59:35+00:00
شەفەق نیوز/ وەگورەی ڕاپۆرت تەلەفزیۆن ئیران، سەربازیگ ئیرانی لە شار کرمان لە باشوور خوەرهەڵات شار کرمان کە سەرەتای ئی مانگە کەفتە وەر پەلاماریگ وە تەقینەوە، تەقە لە هاو سەربازەیلی کردیە و پەنج کەسیان کوشتیە.
تەلەفزیۆن دەوڵەتی بڵاو کرد کە تەقەکردنەگە وەختیگ رزیداگە کە سەربازەگە رەسیەسە شویم نیشتەجیبوین سەربازەیل و مەوقەی هوچان تەقە لەلیان کردیە.
وتیش: وەکوتپڕ پاڵنەرەگەی ئاشکرا نەویە، و توومەتبارەگە کە ناسنامەگەی ئاشکرا نەکریاس، وەگورەی قسەی ئاژانس ئەسۆشێتد پرێس، هیمان ئازادە.
لە راپۆرتەگە وتیش: پەلامارەگە لە شار کرمان بویە کە نزیکەی ٨٣٠ کیلۆمەتر لە باشوور خوەرهەڵات تەهران پایتەختەو دویرە.
کرمان لە سەرەتای ئی مانگە دوو تەقینەوەی مەرگبار وەخوەی دی، کە لە ئاهەنگیگ وە بوونەی ساڵڕووژ کوشتن قاسم سولەیمانی، فەرماندەی سوپای قودس لە سوپای پاسداران لە پەلامار فڕۆکەی بێفڕۆکەوان ئەمریکا لە ساڵ ٢٠٢٠ لە عراق، کە سەدان قوربانی لەو دوو تەقینەوە کەفت.
