لە ئامار نوویگ قوربانیەیل زەویلەرزەگەی تورکیا بەرزەو بوی ئەرا 38044
2023-02-17T09:52:59+00:00
شەفەق نیوز/ ئیدارەی کارەسات و فریاکەفتن تورکیا، ئمڕوو جومعە، راگەیان شمارەی قوربانیەیل زەویلەرزە ویرانکەرەگە بەرزەوبویە ئەرا 38044 کوشیاگ و 216 هەزار و 347 کەس دویرەوخریانە لە ناوچە زەردەیەگە.
وتیش 4323 لەرزە رویدایە لە دویای زەویلەرزەگە ک لە ولایەت قەهرمان مرعش لە رووژ 6 فبرایر رویدا، وتیش، شمارەی زەخمدارەیل زەویلەرزەگە رەسیە 108 هەزار و 68 کەس.
ئیدارەگە خەوەردا 29 هەزار و 944 کراکار قورتارکردن لە ناوچە رمیاگەیل کارکەن لە مابەینیشیان تیمەیل ناودەوڵەتی هەس، ئاشکەراکرد شمارەی کەسەیل تیم مینەکردن و قورتارکردن لە وڵاتەیلتر هاتنە رەسێدە 11 هەزار و 488 کەس.
وتیش، جەم گشت ئەندامەیل کارکەن لە ناوچەی زەویلەرزەگە لە ریخریاگ جیاوازەیل و دەزگا فەرمی و نافەرمیەیل رەسێدە 253 هەزار و 16 کەس.
باسکرد 172 هەزار چادر دانانە ئەرا زەردمەنەیل زەویلەرزەگە لە ناوچە جیاوەزیل.
