كۆنگره‌ى ئه‌منى له‌ناونى ئه‌مريكاو روسياو ئسرائيل ده‌سوه‌پيكرد
شه‌فه‌ق نيوز/ بنيامين نه‌تانياهۆ سه‌رۆك وه‌زيره‌يل ئسرائيل، سه‌رۆكايه‌تى دانيشتنيگ ئه‌منى كر له ته‌لئه‌بيب, ئه‌ويش له‌وه‌ر تاووتوێكردن بارودوخ له سورياو وجوود ئيرانى له‌ناو خاكه‌يل سورياو بڕيگ مه‌سه‌له‌ى تر وه ئاماده‌بوين ئه‌مريكاو روسيا.
له‌و كۆنگره راوێژكاره‌يل ئاسايش نه‌ته‌وه‌يى روسيا نيكۆلاى باتريشۆف و جون بۆڵتن ئه‌مريكى و موئير بن شبات سه‌رۆك ئه‌نجومه‌ن ئاسايش نه‌توه‌يى ئسرائيلى باس له ريكخستن بارودوخ ئه‌منى و بارودوخ له سوريا ئه‌كه‌ن بيجگه باسكردن وجوود ئيرانى له‌ناو خاك سوريا له‌لايه‌ن ئه‌مريكيه‌يل و ئسرائيليه‌يل، ك له‌وه‌رانوه‌ر ئه‌وه‌يش روسيا هه‌وڵ ته‌ركيز له‌بان بارودوخ ئاينده‌يى ئه‌ياد دوياى سه‌قامگيرى رژيم و ئاوه‌دانكردنه‌وه‌ى سوريا.
بڕياريشه ئه‌و ديداره دوياخر له‌ديدار چه‌وه‌ڕێكرياى له‌ناونى دۆناڵد ترامپ سه‌رۆك ئه‌مريكى و فلاديمير پۆتين سه‌رۆك رووسيا نمايش بكريه‌ێد له كۆنگره‌ى ده‌وڵه‌ته‌يل پيشه‌سازێ.
