كۆمكار عه‌ره‌بى هاوكارى مه‌غرب ئه‌كا له بڕين په‌يوه‌نديى وه‌ل ئيران
شه‌فه‌ق نيوز/ مه‌حمود عه‌فيفى قسه‌كه‌ر وه‌ناو ئه‌ميندار گشتى كۆمكار وڵاته‌يل عه‌ره‌بى، ئاشكراى هاوكارى كرد وه‌ل شانشين مه‌غرب له برياره‌گه‌ى له‌بان بڕين په‌يوه‌نديه‌يلێ وه‌ل ئيران له‌وه‌ر ئه‌و ره‌فتاره‌يل ره‌ته‌وكرياێ ته‌هران له ده‌سوه‌رداينى له كاروبار ناوخوه‌يى مه‌غربى و ئه‌و ده‌سوه‌رداينه ره‌ت و شه‌رمه‌زار كرد.
عه‌فيفى له به‌ياننامه‌يگ ك شه‌فه‌ق نيوز ئاگادارى بوى، وت: بڕيار ئى دوياخر سه‌ران عه‌ره‌بيه له زه‌هران له‌باره‌ى ده‌سوه‌رداين ئيران هه‌ڵويست بته‌و عه‌ره‌بى چه‌واشه‌وه كردگه له ره‌ته‌وكردن ئى كاره‌يله‌و كار له‌بان روێ وه‌ڕوێ بوينه‌وه‌ى كردنه.
جى باسه، به‌ياننامه‌گه يه‌يش ده‌رخست ك ليژنه‌ى چوارلايه‌نى په‌يوه‌نديدار وه چه‌ودێرى ئى مه‌سه‌له چوارچيوه‌يگ عه‌ره‌بى كارا ئاماده ئه‌كا ئه‌را ريكخستن سياسه‌ته‌يل و يه‌كخستن هه‌ڵويسته‌يل له روێ وه‌ڕوێ بوينه‌وه‌ى هه‌ڕه‌شه‌يل و ده‌سوه‌رداين ئيرانى.
