كۆرياێ باكوور مووشه‌كيگ باليستى تاقيه‌و كرد
2017-09-05T09:44:00+00:00
شه‌فه‌ق نيوز/ رووژنامه‌ى "ئاسيا بزنيس ده‌يلى"كۆرياى باشوور له زووان سه‌رچه‌وه‌يگ هه‌واڵگرى ك نه‌تواس ئاشكراێ بكا، وت: كۆرياێ باكوور مووشه‌كيگ باليستى كشوه‌ربڕ وه‌ره‌و ديم خوه‌رئاواێ وه‌شانگه.
رووژنامه‌گه وت: وه‌شانن ئه‌و مووشه‌كه تاقيكردنيگ بويه له‌لايه‌ن كۆرياێ باكوور وه‌ره‌و ديم كنار خوه‌رائاواێ وڵاته‌گه.
جى باسه، زويتريش وزاره‌ت وه‌رگرى كۆرياى باشوور ئاگادار په‌رله‌مان وڵاته‌گه‌ێ كرد ك كۆرياێ باكوور ئاماده‌س ئه‌را وه‌شانن مووشه‌كه‌يل فيشتر و له‌وانه‌يش مووشه‌كه‌يل باليستى كشوه‌ربڕ له هه‌ر وه‌ختيگ.
