كۆرياێ باكوور له ئه‌زموونه مووشه‌كيه‌گه‌ى سه‌رنه‌كه‌فت
2017-03-22T07:55:00+00:00
شه‌فه‌ق نيوز/ وزاره‌ت وه‌رگرى كۆرياى باشوور ئاشكراى ئه‌وه كرد ك ئه‌زموون تازه‌ى مووشه‌كى كۆرياى باكوور شكه‌ست هاوردگه، ئه‌ويش دوياى دو هه‌فته له ده‌سوه‌پيكردن ئه‌زموونه‌گه‌ى رژيم شيوعى ك 4 مووشه‌ك ته‌قان و جوور مه‌شق و ته‌مرينيگ تاريفى كرد له‌بان بوردمانكردن بنگه‌يل ئه‌مريكى له يابان.
قسه‌كه‌ر وه‌ناو وزاره‌ته‌گه وت: كۆرياى باشوور و وڵاته‌يل يه‌كگرتگ ئاگادارن له مه‌سه‌له‌ى ئه‌زموون مووشه‌كى كۆرياى باكوور و گومانيش له شكه‌ستى كردنه.
جى باسه، وزاره‌ته‌گه سروشت و شيواز ئه‌و مووشه‌كه ده‌سنيشان نه‌كرد ك كۆرياى باكوور هه‌وڵ ئه‌زموونى داو سه‌رچه‌وه‌يليگيش باس له‌وه كردن ك له ديم خوه‌رهه‌ڵات كۆرياى باكووره‌و چه‌ن مووشه‌كيگ تاقيه‌و كرياگه‌و شكه‌ست هاوردنه.
