كوشيان و زەخمداری ١٧ پولیس پاکستانی وە پەلامار تاڵیبان
شەفەق نیوز/ بزووتنەوەی تاڵیبان پاکستان، ئمڕوو جمعە، وەرپرسایەتی خوەی لە پەلاماریگ شەوانە وەبان بنکەیگ پولیس سنوور نزیک ئەفغانستان راگەیان، کە ١٧ قوربانی لە کوشیان و زەخمداری لەلی کەفتەو.
وەرپرس گەورەیگ لە هەواڵگری پاکستان ئەرا ئاژانس فرانس پرێس وت: پەلاماریگ لەبان سنوور پاکستان و ئەفغانستان بویە هوکار کوشیان کە کەس لە پولیس سنوور پاکستانی.
دیاری کرد کە تا نزیکەی یەک ساعەت تەقەکردن فرەیگ بوی، دە لە ئەندامەیل پولیس کوشیان و هەفتیش زەخمدار بوین.
هەرلیوا، ٢٠ تا ٢٥ چەکدار پەلاماریگ وەبان بنکەی پولیس سنوور لە ناوچەی دیرا ئیسماعیل خان لە پارێزگای خەیبەر باختونخوای پاکستانی جیوەجی کردن.
لەلای خوەییش؛ بزووتنەوەی تاڵیبان پاکستانی وەرپرسایەتی خوەی لەی پەلامارە وە بەیاننامەیگ راگەیان.
جی باسە کە پاکستان لە وەختیگەو بزووتنەوەی تاڵیبان لە ئەفغانستان لە ساڵ ٢٠٢١ەو هاتیەسە حکومڕانی بەرزەوبوین لە پەلامارەیل چەکدار وەخوەی دوینێد، وەگەرد پەلامارەیل لق تاڵیبان لە پاکستان کە فرەیان هیزەیل ئەمنی کەنە ئامانج.
