كوشيان و بیسەروشوینی نزیکەی ١٧٠ کووچبەر وەرانەور کەناراوەیل مۆریتانیا
2024-07-05T10:09:50+00:00
شەفەق نیوز/ ئاژانس خەوەری مۆریتانیا، ئمڕوو جمعە، خەوەردا لە کوشیان و بیسەروشوینی نزیکەی ١٧٠ کووچبەر وەگەرد تەقەلای رەدبوینیان وەرەو ئەوروپا.
ئاژانسەگە وتیش: نزیکەی ٨٩ کووچپەر لەی هەفتە گیانیان لەدەسدان، دویای نوقمبوین بەلەمیگ وەرانوەر کەناراوەیل مۆریتانیا، هەناێ لەناو ری بوین وەرەو ئەوروپا.
دیاری کرد کە پاسەوانەیل کناراو مۆریتانیا توەنستن تەرم ٨٩ کووچبەر درارن کە لەناو بەلەمیگ راو گەورەیگ بوینە، کە رووژ دووشەممەی گوزەشتە وە دویری ٤ کم لە شار ئینجاگۆ نقوم بوی.
تیمەیل پاسەوان کەناراوەیل نۆ کەس رزگار کردن دویەتیگ لە تەمەن پەنج ساڵان لەناویان بوی.
دیاری کرد کە ڕزگاربویەیل وتن: بەلەمەگە لە سنوور ناوەین سەنیگال و گامبیا دەرچگە و ١٧٠ کەس لەناوی بوینە.
وەرپرسیگ گەورە لە وڵاتەگە ئەرا ئاژانس خەوەری فەرەنسا باس خود زانیارەیل کرد.
