كوشيان سەرکردەیگ لە «هەسەدە» لەناو نادیارییگ
2021-05-04T09:16:06+00:00
شەفەق نیوز/ چەکدارەیلیگ نەناسریاگ، ئمڕوو سێشەممە، یەکیگ لە سەرکردەیل هێزەیل سوریای دیموکراتی «هەسەدە» لە ئاوای دێر زۆر لە خوەرهەڵات سوریا کوشتن.
سەرچەوەیگ چەودیر ئەرا ئاژانس شەفەق نیوز وت دوو نەناسریاگ لە کووڵ ماتۆڕسکڵیگ تەقە لە ماشینیگ کردن سەرکردەیگ خۆجێیی لە مەحلیەی سویدان لەناوی بوی.
پەیامنێر ئاژانس شەفەق نیوز وت: سەرکردایەتی هەسەدە رازی نەوی ئاشکرای ناسنامەی قوربانیەگە بکەێد، باوجی لایەنەیلیگ چەودیر تەنیا ئەوە وتن ک خوەی سەرکردەیگە لە مەحلیەی سویدان.
دوای رووداو کوشتنەگە، هەسەدە قەیەغەی هاتووچگن ماتۆڕسکڵەیل لە ناوچەگە چەسپان، و دەسکردە هەڵمەت وەشکین وەمینەی تاوانبارەیل.
