كوشیان ٧ گەشتیار عراقی وە لافاو لە ئیران
شەفەق نیوز/ موحسن داوری جیگر پارێزگار خوراسان رەزەوی و پارێزگار مەشهەد، ئمڕوو یەکشەممە، راگەیان هەفت گەشتیار عراقی لە لافاو دویای وارانە رفتەیل خوەرهەڵات ئیران گیانیان لەدەسدان.
ئاژانس خەوەری فەرمی ئیران "ئیرنا" لە زوان داوری وت: ئەو گەشتیارەیل عراقیە لەناو گرووپیگ ١٣ کەسی بوین، لەناو ماشینیگ لەبان ری میامی - ئاوای جنارک نزیک شار مەشهەد ناوەند پارێزگای خوراسان رەزەوی، وەدویری ٩٠٠ کیلومەتر باکوور تەهران پایتەخت، هەنای لافاو ناکاوییگ ماشینیان برد، وتیش: ماشینیگ فریاکەفتن ئەرا شوین رویداوەگە کلکریا تا رزگاریان بکەێد.
دیاری کرد ک دوو پیاو لەناو قوربانیەیل بوی یەکیگیان رانندەی ماشینەگە بوی ک ئیرانیە، و پەنج ژنیش، وسێ کەسیش زەخمدار بوینە رەسینە خەسخانە.
وەرپرسە ئیرانیەگە وتیش: هیمان سێ عراقی بیسەروشوینن، و مینەکردنیان وەردەوامە.
لەی دواییە ٢١ پارێزگای ئیران کەفتنە وەر لافاو، وەگورەی دویاترین ئامار، بویە هووکار کوشیان ٦٩ کەس، و ٣٢ کەسیش بیسەروشوینە، و دەیان زەخمدارە، وەگەرد زەرەدەیل دارایی فرەیگ.
