كۆریای باکوور مووشەک بالیستیکی وەرەو هاوسای باشووری وەشنێد
کۆریای باشوور وتیش: ئەو مووشەکەیلە لە ناوچەی وونسانەو لە کناراو خوەرهەڵات وەشیانە، لە وەختیگ ئێزگە و تەلەفزیۆن یابان وت: دیارە مووشەکەگە وەشیاس و کەفتیەسە زەوی.
وتیش: کۆریای باکوور مووشەکیگ بالیستیکی وەرەو دەریای خوەرهەڵات وەشانیە، کە هەمیش وەپی ئویشن دەریای یابان.
یەیش لە دویای ئەوە هات کە کیم جۆنگ ئۆن بانگەواز ئەرا (ئاڵشتبوین میژووی) کرد لە ئامادەکردن ئەرا جەنگ، و دویای چەن ساعەتیگ لە وتاریگ وەلایەن کیم یو جۆنگ خوەشکەی تیەێد کە مووشەکەیل تەکنیکی وە ئەنجام نواگیریکردن پەلامار سەربازی وەبان کۆریای باشوور تیەێد، وڵاتەگەی ئی مووشەکەیلە هەناردە نیەکەێد.
راپۆرتیگ وەلایەن ئاژانس خەوەری ناوەندی فەرمی کۆریا لە بیونگ یانگ وت: کیم مەوقەی چەودیاریکردن سیستم چەک تەکنیکی رەزامەنی گەورەی نشان دا ئەرا ئەو ئەنجامەیلە کە داموودەزگای پیشەسازی وەرگری لەی ساڵە تووماری کردنە.
کیم دووپات لەبان گرنگی یاڵشتبوینیگ میژووی لە ئامادەی سوپای جەماوەر کۆریا لە جەنگ کرد ئەوەیش وە جیوەجیکردن پلانەیل بەرهەم تەقەمەنی ئەرا ساڵ ٢٠٢٤.
