قورتان کردن 77 کەس لە نێجیریا ک قەشەیگ لەناو کڵێسا وە بارمتە گیریان هاوردیە

 شەفەق نیوز/ لە ویلایەت ئۆندۆ باشوور خوەرئاوای نێجیریا، ٧٧ کەس قورتارکریان ک لە ناو کڵێسایگ وە بارمتە گیریابوین.  

وەپای ئەو هەواڵەیلە لە راگەیانن نیشتمانی نێجیریا بڵاوکریانە لە نهۆم خوار کڵێسایگ لە ناوچەی ڤالینتینۆ سەر وە ویلایەت ئۆندۆ، ٧٧ کەس وە بارمتە گیریابوین. 

لە ئەنجام ئەو زەنگ ئاگاداریە ک دانشتگەیل ناوچەگە کوتانە، هەر ٧٧ کەسەگە ک ٢٣یان مناڵ بوین قورتارکریان. 

وەرپرس پەیوەندییەیل گشتیی پۆلیس لە ویلایەتەگە، فومیلایۆ ئۆدونلامی لە بەیاننامیگ باس لەوە کرد  قەشەگە دەستگیرکریایە و لێکۆڵینەوە لە رویداوەگە دەس وەپی کردیە.