قەت لە هویر لوبنانیەگان نێەچود.. گرتەی سەرنج راکێشیگ وەرجە چەن چرکەیگ لە تەقینەوەگەی بەیروت

شەفەق نیوز/ وینەیگ لە ماڵپەڕەیل پەیوەندیە کۆمەڵایەتیەگان بڵاوبوی، ئاشکرای ئازایی سێ کەس کەێد، چین ئەرا رزگارکردن ئەوەگ وەدەسیان تیەێد وەرجە کارەساتەگە، ک  بەندەر بەیروت لەناودا، و گیان زیاتر لە ١٥٠ کەس سەن، ودور ٥٠٠٠ زەخمدار وەجی هیشت.

ئەرا دەور ١٢ خولەک  وەرجە کارساتەگە گرتەگە بریا، پیاوەیل ئاگرکوژێنەوە؛ نەجیب حەتی، میسال حەوا، جۆ نون، لە مەوقەی تەقەلای بیئومیدییان ئەرا کردنەوەی دەر ئەمار ژمارە ١٢ ، ک ٢٧٥٠ تەن لە نەتڕات ئەمۆنیۆم هاناوی، ئەرا نواگردن لە بڵویزەی ئاگرەگە، تا نەڕەسێدە ئەو پێکهاتە، وبەیروت بکەێدە دوزەقیگ لە گڵپەی ئاگر.

ئەو سێ پیاوە، لە یەکەمین کەسەیل بوین رەسینە ئەرک خوەیان، هەنای ئاگرەگە لە بەندەر بەیروت بویەو، تیم ١٠ کەسیەگەیان زوی چگن ئەرا شوون رووداوەگە ئەرا کۆنتڕۆڵ کردن ئاگرەگە.

بەڵکم لە خەیاڵیان نەوی ک ئەو خوەلەکەیلە،  دویاترین وەخت ژیانیان بوی، ک ئەو وینە وە رخبەرتر و زیاندارتر گرتە لە ٢٠٢٠ دانریەێد.