قەتەر داوا لە ئیران کەێد هەڕەشەیلی بووسنێد و هورمز واز بکەێد ئەرا سەرکەفتن ناوبژیگەری
شەفەق نیوز - دەوحە
وەزارەت دەیشت قەتەری، رووژ سێشەممە، داوا لە ئیران کرد نیشاندان نیازپاکی و ووسانن هەڕەشەیلی ئەرا دەوڵەتەیل کەنداو و وازکردن گەروو هورمز، وە دووپاتکردن ئەوە کە ئی گامەیلە هەوەجەن ئەرا سەرکەفتن تەقەلایەیل ناوبژیگەری کە ئامانجی کەمەوبۊن ئاڵووزی و کۆتاییهاوردن وە قەیران ناوەین واشنتۆن و تەهران وە ریەیل ئاشتیانەس.
وەزارەتەگە، لە بەیاننامەیگ کە ئاژانس شەفەق نیوز دییەی، وت کە سەردان شاند قەتەری ئەرا تەهران لە چوارچیوەی پاڵپشتیکردن تەقەلایڵیل ناوبژیگەری تیەێد ئەرا کوڵکردن لە قەیران ئیسە، وە دەسنشانکردن ئەرا وەردەوامبۊن سەڵاکاری لە ناوەین هاوبەشەیل هەرێمی و دەوڵەتی ئەرا رەسین وە کۆتاییهاوردن بنەڕەتی قەیران ناوەین وڵاتەیل یەکگرتگ و ئیران.
وتیش کە ناوچەگە هەوەجە وە سیستەمیگ ئەمنی هەرێمی نوو دیرێد کە سەروەری دەوڵەتەیل وەرچەم بگرێد، وە دەسنشانکردن ئەرا ئەوە کە تەقەلایەیل سعودیە و دەوڵەتەیل هاوپەیمانی مەککە تەواوکەر ئەو تەقەلایەلەسە کە قەتەر و پاکستان سەرکردایەتی کەن ئەرا کەمەوبۊن ئاڵووزی و یەکلاییکردن قەیرانەگە.
تەهرام پایتەخت ئیران، دۊکە دوشەممە شاندیگ لە دەوڵەتەیل "هاوپەیمان مەککە" پیشوازی کرد، کە وەزیر وەرگری سعودی و فەرماندەی سوپای پاکستانی و سەرۆک هەواڵگری تورکی لەخوەی گردۊد، ئەرا جیوەجیکردن گامیگ کە باسی کریا وە گورجبوین وەرەو دروسکردن ئاسایش هەرێمی ناوخۆیی.
یەیش لەناو شیوەیگ تیەێد لە چەوەڕیکردن ئەرا ئەگەر گلەوخواردن ئۆپراسیۆنە سەربازییەیل ئەمریکی دژ وە تەهران لە ماوەی ئاینده، لە شان ئەگەر باسکردن دۆسیەی حوسییەیل و گامەیل کۆتاییهاوردن وەو هەڕەشە کە دروسی کەێد ئەرا ریاز.
