کۆپیگ فلیم Squid Game بوودە هووکار لەناوداین ژیان بڕیگ کەس لە کۆریای باکوور

شەفەق نیوز/ کۆپییگ لە زنجیرە فلیم  Squid Game   لە کۆریای باکوور بوودە هوکار ئەوەگ،سزای لەسێدارەداین وەبان کەسیگ دەربکرێد و هەفت خوەنەواریش دەسگیربکرێد.

چیرۆکەگەی ویجویرەس، قاچاغچییگ کوپیگ لە زنجیرەی  Squid Gameـ لە چینەو ئەرا کۆریای باکوور  هاوردیە لەری   فلاش USBی فروشتیەسێ.

وەپای سەرچەوەیگ، خوەنەواریگ کە کۆپیگ لەو زنجیرەیە سەندیە سزای زیندانیکردن هەتاهەتایی ئەرای دەرکریاس، لەوەختیگ کە شەش کەس ترەک کە نوڕینەسە بەرنامەگە سزای پەنج ساڵ بەندکردن ئەرای دەرچگە، هەمیش مامووسایەیل دەسەی کارگێری مەکتوەگە لە کارەگانیان دویرەو خریانە.

یاساگان کۆریای باکوور وەجویریگە نیەتوەنید لە دەێشت وڵاتەگە هویچ چشتیگ باریدە ناو، مەردمەگەی نیەتوەنن دوینەر هویچ فلیم و زنجیرەیگ بیانی یا پرۆگرامەیل تەلفزیونی بوون، مەگەر ئەو پرۆگرامەیلە نەود حکومەتەگە ری وەپیان دایە.