ئەفسەرەیل هەواڵگری هاناویان.. ئیران ٢٠ کەس لەبان کوشتن هەنیە دەسگیر کەێد
2024-08-03T05:50:16+00:00
شەفەق نیوز/ رووژنامەی نیویۆرک تایمز ئەمریکی، ئمڕوو شەممە، ئاشکرای دەسگیرکردن ٢٠ کەس وەلایەن دەسەڵاتەیل ئیران کرد، لە پشت کوشتن سەرۆک نویسینگەی سیاسی بزووتنەوەی حەماس.
رووژنامەگە لە زوان وەرپرسەیلیگ ئیرانی وت؛ زیاتر لە ٢٠ کەس لە پشت رویداو کوشتن هەنیە لە تەهران دەسگیر کریان، و ئەفسەرەیل هەواڵگری و وەرپرسەیل سەربازی و فەرمانبەرەیل لە دەسەی میوانیکردن هاناویان.
رووژنامەگە لە زوان وەرپرسیگ لە سوپای پاسداران ئیران وت: پرۆتۆکۆل ئەمنی گەورە وەرپرسەیل لەی دوو رووژ گوزەشتە ئاڵشت کریا.
