فرووشتن سپێرم "مۆدێل و وەرزشوانەیل و کەسایەتی ناودارەیل" لە ئیران
لە راپۆرتەگە دیاریکردیە ئەرا رێکلام فرووشتن سپێرمەیل "مۆدێل و وەرزشکارەیل و کەسایەتیە ناودارەیل" کە لە بڕیگ لە کلینکەیل تەهران.
"روز نو" نویسایە؛ کەسیلیگ لە ئیران وە فرووشتن سپێرم یا توەم قازانجیگ ملیۆنی دیرن! بەشە ئەلاجەویەگە ها لەورا ئەگەر چەو رەنگاوڕەنگ و باڵا بەرز بوید وەی کارە قازانجیگ ئەستێرەیی وە دەس بارید! یەکیگ لە کلینک بویچگەیل باکوور تەهران بانگەی ئەوەکەێد لە بەخشەر سپێرم ئازمایش زیرەکی گرێد ئەگەر 120 وەبان وەرگرد نرخەیلە چەن دە ملیۆنیگ ئەرا سپێرمەگەی دانرێد.
هەرچەنە سەنین و فروشتن سپێرم لە ئیران نایاساییە، ئاژانس خەوەری میزان سەر وە دادگا لە چەن ساڵ گوزەشتە راگەیان سپێرمەیل VIP وە لایەن بڕیگ کلینێک لە تەهران و مەشهەد و ئەسفەهان پێشکەش کرێد کە پەیوەنی وە کەسەیلیگ هونەرمەن و وەرزشی و زانستی دیرێد گرێبەستەیلیگ وەگەرد هاوسەرە نەزۆکەیلیش بەسانە.
لە ئیران ساڵانە دەیان هەزار کەس وە کۆمەڵەی هاوسەرەیل نەزۆک زیایەوبون، و سەنین و فروشتن سپێرم و خا و رەحم کرایەیی بژاردەیلیگن خرێدە وەردەم هاوسەرەیل نازا و کەسەیلیگ کە خوازن لەی ریگە پویلیگ وەدەس بارن، کەسەیلیگ کە سپێرم فرووشن مانگانە چەن ملیون تومان قازانج کەن، تا ئیسە ئێ کارە فەرمی و یاسایی نییە.
