فره‌نسا داوا له ئيران ئه‌كا پابه‌ند بدێ وه خاڵه‌يل ريككه‌فتنه ئه‌تۆميه‌گه
2019-09-05T10:44:29+00:00
شه‌فه‌ق نيوز/ فره‌نسا داوا له ئيران كرد پابه‌ند بدێ وه‌گشت خاڵه‌يل ريككه‌فتنه ئه‌تۆميه‌گه‌و هويچ سه‌رپيچييگ له‌ليان نه‌كا، ئه‌ويش دوياى ئه‌وه‌گ حه‌سه‌ن رۆحانى ئاشكراى ده‌سهه‌ڵگرتن له گشت مه‌رجه‌يليگ ئه‌و ريككه‌فتنه كرد له هه‌ردوگ بوار توێژينه‌وه‌و په‌ره‌داين ئه‌تۆمى.
له‌ى باوه‌ته‌و وه‌زاره‌ت خارجيه‌ى فره‌نسى له به‌ياننامه‌يگ وت: پاريس هه‌وڵ فريه‌يگ داگه ئه‌را ئارامه‌وكردن بارودوخه‌گه‌و ئاماژه‌يش وه خواست سه‌رپيچى نه‌كردن تازه‌يگ له‌و ريككه‌فتنه كرد وه‌ل گله‌وخواردن ئه‌را جيوه‌جيكردنى خاڵه‌يلى وه ته‌واوى.
جى باسه، به‌ياننامه‌گه‌ى وه‌زاره‌ت خارجيه‌ى فره‌نسى جه‌ختيش له خواست و گرنگى ئه‌وه كرد ته‌هران كاره‌يل خراويگ نه‌كا له‌و باوه‌ته‌و ك بدێده هووكار به‌رزبوينه‌وه‌ى گرژى.
