کەفتن فڕۆکەیگ سەربازی ئوردن و رزگاربوین کاپتنەگەی

شەفەق نیوز/ سوپای ئوردن، ئمڕوو چوارشەممە، لە بەیاننامەیگ کەفتن فڕۆکەیگ سەروە چەک ئاسمانی شاهی راگەیان، مەوقەی جیوەجیکردن ئورک راهێنان لە باشوور شانشینەکە، و کاپتنەگەی رزگار بویە.

بەیاننامەگە لە زوان سەرچەوەیگ سەربازی لە فەرماندەیی گشتی هیزە چەکدارەیل وت: یەکیگ لە فڕۆکەیل چەک ئاسمانی شاهی، مەوقەی جیوەجیکردن ئەرک راهینان، دویای نیمەڕو ئمڕوو، لەیەکیگ لە مەیدانەیل راهینان لە باشوور شانشینەگە، کەفتە خوار.

سەرچەوەگە وتیش: رویداوەگە نەویە هووکار زەرەدەیل گیانی، ک کاپتنەگەی لە فڕۆکەگە خوەی وەشانە شوین چووڵیگ، و پەرەشووتەگەی واز کرد، و بریا خەسخانە.